Square 👶👶， 昨天爸爸媽媽跟你見面喇。見到你的輪廓，你的心仔，腳仔，手仔等.....
你已經28週大喇，昨天護士姐姐跟我們說，你有點肥喎，個頭圍有30週，個肚腩有31週....係隻大size BB 呢。
初初因為你係單臍的緣故，護士話會有機會影響你的發育，可能出世會細粒Ｄ，爸爸媽媽仲好擔心你，驚你唔夠營養，擔心你長唔大，又擔心你可能因為長唔大而要早產。所以提前將你的房間都整理好，以防萬一。又叫教會的弟兄姊妹，哥哥姐姐們替你祈禱。
為你感恩啊，天父愛你，保守你，讓你不單沒有營養唔夠，不單叫你沒有停止生長，反而你吸收多了，叫媽媽我開始注意飲食，要食少Ｄ呢。可憐媽媽要忍口，肚餓都要忍口.....
哈哈..👱😆
爸爸媽媽昨天又為到要找人照顧你同媽媽而頭痛呢？你知道嘛，有了你之後，爸爸媽媽的生活完全要轉變了，因為要照顧你啦，家中可能會多一個人來幫忙，我地就無以前咁可以咁自由喇，又唔可以話出去食飯就出去食飯，又唔可以話去旅行就去旅行，又要為你將來的前程而著想，舖路等等.....
願你長大後能體會我倆的心情，能明白這一刻我們的感受吧。有一日或許你也要經歷這階段，但不打緊，爸媽也是這樣經歷過的，沒有甚麼事情是不可以解決的呢。所以你要勇敢，不要放棄啊！
愛你的父母💗💕💓🙌😄
