Manus 已經小一喇

恩言, 你已經小一喇, 爸爸媽媽為你返學開心, 有很好的同學仔一齊, 替你十分感恩。

要知道當你慢慢長大, 爸爸媽媽不能常在你身邊, 你忙於結識朋友, 忙於為你的人生打拼, 身邊一定要有一些好朋友。所以媽媽常常為你禱告, 求天父為你預備身邊好多的好朋友, 能夠一同在信仰上彼此分擔同支持的好朋友。

最近媽媽常想, 這個Blogger 如果無左, 點算呢? 爸媽好希望可以你一路成長的時候, 留下我們的心聲給你, 當那一天, 時候到了, 你可以回味我們的一點一滴。

媽媽很喜歡同你一齊玩Animal crossing, 一齊討論內容, 還記得每個夜晚我們一齊訓覺的時候, 總有很多的話題要傾, 可以傾到好夜都未訓到覺。

媽媽很喜歡看著熟睡的你, 特別的甜美, 每當寧靜時, 媽媽總會回想, 內疚當天可能為了一些小事而向你責罵, 媽媽很對不起, 媽媽是愛你的, 而且非常非常愛你。

爸爸媽媽都是第一次做父母, 沒有人教如何做好一個父母的角色, 我們都只希望你可以成為一個負責任, 願意承擔, 有遠見, 認識自己的人。將來的人生路如何, 爸媽默默的為你代禱, 求天父帶領你, 保守你。

黎緊新年, 你最期待最興奮的日子, 媽媽期望新一年可以改變舊我, 舊事已過, 一切都變成新的了。

Mommy and Daddy loves you!

GOD Always be with us! 

May GOD guides you and leads us!

Amen!

你的5週年的大日子

Manus, 

５週年紀念特別些，還是１５週年紀念特別些呢？正常來說應是１５週年特別些吧。但其實要看看紀念背後的主角是誰？

今日是Manus你５歲生日的前一天，而今年又是爸爸媽媽結婚的第１５個年頭，但是爸爸媽媽卻用了很多心思為你籌備３個生日會。對！是３個，一個是同嫲嫲公公婆婆嫲舅父母姨丈媽表姐，另一個是同Johnny，Alex, 曉姨媽新叔叔。最後一個是明天同ABC同學仔一齊正日慶祝。

你漸漸長高了，相信你就快在電梯內按到46樓了。可惜的是，近日你常常聲稱不聽爸爸的話，只聽媽媽的話。爸爸十分擔心你，怕你偏行己路。

記得爸爸常提醒你：「你要保守你心，勝過保守一切，因為一生的果效，是由心發出。」箴言4章23節

爸爸媽媽都怕你忘記了天父爸爸的教訓，怕你日後只靠自己，走迷了路而不自知。

以下是今日爸爸向天父的禱告：「天父！願祢帶領恩言的成長，讓他懂得常常緊貼著祢，體恤關愛別人，一生努力事奉祢。奉主名求！阿們！」

祝福恩言你明天玩得開心，有個難忘的5歲生日派對！

～愛你的爸爸

恩言, 我們的Spider Man (你已經超過100cm 高喇)

恩言，媽媽很想跟你說，爸爸媽媽都很愛你。

你現在已經４歲半喇，不經不覺你每一天都在長大，都在成長。爸媽感到欣慰的同時也很捨不得你的長大，懷念你扭抱，懷念你可愛的臉，懷念你肥啫啫的樣子，懷念你在唱歌跳舞的時候, 懷念你叫我 Me Me的時候，懷念你每次食飯到一半，總會過黎媽媽到要攬攬，我們可愛的恩言呀！

媽媽很對不起你，媽媽將唔好的脾氣同性格俾左你，你應該要跟爸爸的樣式，溫柔寬宏同忍耐，你卻跟媽媽太似，輕易發怒，不懂得寬恕別人。

恩言，黎緊你要考小學，媽媽想幫你揾一間適合你的小學，祈求天父為你預備一間適合你的學校，讓你讀得愉快，讓你可以有一群一同成長的好同伴，讓你可以建立屬於你的社交網絡，讓你可以自由地飛翔，發展自己的所長。好好幫助身邊的人，讓你可以為這個地方，為你所有愛的人，好好活出天父要你的樣式。

媽媽好想你記住，多幫助其他人，這樣你會活得更快樂，更自在。

不需要擁有很多，足夠就夠，多餘的分出去給其他有需要的人。

媽媽盼望能一直看著你成長，陪伴你，爸媽永遠是你背後的支持者，你安舒休息的地方。

要勝過自己，謹記主禱文所教導的，媽每天都為你守望祈禱。深信天父必會看顧帶領你，供給你一切所需，要捉實天父爸爸的手直到永遠，就好似你常常捉實媽媽的手，在媽媽身旁踩平衡車一樣，要同天父一齊。

今日係爸爸生日呀，爸爸能有你這個孩子，他很開心呢，很為你自豪呢，爸爸雖然很少說出口，但你知道他十分十分愛你，雖然他不懂得表逹，也不懂得讓你感受他的愛，但你要相信爸爸是愛你的，爸爸總是為你好的。

Loves you, Manus,

From Mum & Dad

爸爸媽媽永遠愛你

 恩言, 

你而家應該係3歲6個月大喇!不經不覺你已經又長高了, 大概96-97cm 吧... 仲未到100cm 😄

你一直都好想快D到100cm, 你就可以坐踫踫車, 好多機動遊戲你都可以玩到。

恩言, 係你成長裡面, 媽媽好多唔好的脾氣, 性格都遺傳左俾你, 或者你見到媽媽咁, 所以你的性格上面都同媽媽好似。媽媽真係覺得好對唔住你。

媽媽想你有顆溫柔温暖的心, 媽媽想你有一顆懂得替別人著想而又不會失去自己的心, 媽媽想你好容就滿足開心。媽媽想你勇敢且擅於表遠自己, 無論係任何人面前你都懂得自處。

恩言, 媽媽的脾氣唔好, 容易動怒, 有時候媽媽真係表現得唔好, 當你大個, 睇到媽媽呢篇文章, 記事的時候, 你記得要原諒媽媽。

媽媽知道你慢慢長大後, 你會離爸爸媽媽越來越遠, 不會再像現在一樣, 鍾意痴住我地, 要我地陪你玩, 陪你訓覺。

曾經爸爸媽媽係好恩愛的, 不知何時, 我倆變得少左交談, 媽媽也不記得沒有你的時候, 我同爸爸二人世界是怎樣過的了。所以你知道有了你之後, 對我們來說是很大的改變, 媽媽想你知道, 爸媽也有我們的艱難時間, 也請你明白。

爸爸媽媽只想一件事, 無論怎樣, 請你記住爸爸媽媽永遠都咁愛你。(你最鍾意的橙色) 😊😍

你得釋放了

恩言, 

媽媽今次想寫下你的一次經歷, 讓你日後看見的時候, 能知道, 將來能成為你的幫助。

 

2022年的12月聖誕節, 你有一個長假期, 所以媽媽幫你報讀了崇真幼稚園5天的聖誕課程。你當時係3歲3個月。

頭兩天的聖誕課程, 因為爸爸媽媽都放假, 所以可以送你返學, 接你放學, 第一天帶你返學的時候, 媽媽還很擔心你會喊喊, 所以一路入課室的時候, 跟你說一下其他事情。感恩順利地渡過了第一天, 媽媽還鬆口氣。連續兩天跟你一齊返學放學, 之後就同你去元氣壽司食烏冬同紫菜。然後再帶你入元朗的開心農莊玩, 第一日就同你班的同學仔BBQ, 燒野食, 第二日就同另班人, 你同年同月同日出世的朋友仔。2日都好開心, 好快就過左。

 

呢個聖誕課程剩下3天, 媽媽請了嫲嫲幫手, 早上同你坐的士返學, 爸爸午飯的時候再接你同嫲嫲返婆婆到食飯。頭2日你都好似沒問題, 幾好, 但最了最後一日你好似好唔開心, 好大情緒, 媽媽唔知你發生咩事, 但好情緒, 好容易唔開心, 夜晚訓覺仲訓得好差, 個人忟忟憎憎咁.... 媽媽感受到你裡面發生了一些事, 但你又唔識講, 表達唔到..... 媽媽心很痛。覺得是因為媽媽帶你去了新學校, 太大壓力,太多轉變可能令你吃不消, 要崩潰了。連續好幾晚, 你都訓得唔好, 半夜就會忟忟憎憎咁發脾氣, 喊..... 爸爸媽媽安撫你都無用, 裡面好嬲, 好唔開心。

 

12月31日假期, 爸媽打算帶你去散心, 忘記唔開心的事情, 去左大棠騎馬馬, 玩車車, 然後仲同Him Him 弟弟瑤姨姨一家一齊踩家庭車, 跟住夜晚去左Him Him 弟弟屋企食飯同玩。這一日你好倦, 坐車時你就已經訓了。

 

到了1月2日這一天爸媽早上帶了你去九龍灣單車公園打算租車俾你踩下單車, 但你唔踩, 然後去左玩搖控車, 再去左公園玩左一陣, 去爸爸公司到食午餐, 食完午餐我地去左玩跳彈床, 你話你今日玩得好開心。下午瑤姨姨一家同Alex 叔叔黎我地屋企食飯開Party, 這一晚你可能睇得太多電視, 還是因為臨訓前媽媽用布偶公仔問你關於返聖誕班的事, 令你勾起了唔開心的事? 半夜醒來又喊, 又發脾氣, 媽媽抱住你, 你仍然不停地喊, 不停地嗌..... 裡面好似好委屈, 好唔開心, 然後媽媽跟你對不起, 唔應該為你這樣安排, 爸爸也跟你對不起, 不懂得怎樣關愛你。你哭了很久很久......爸爸媽媽一齊為你禱告交給神, 慢慢你哭得太久了, 終於訓了。

 

1月3日 你的心情好了一點, 沒有再那麼情緒化, 爸媽要返工了, 送你去婆婆屋企的時候, 你問媽媽要唔要返學, 媽媽告訴你不用返那間學校喇, 今日也叫左嫲嫲唔好黎, 擔心你見到嫲嫲, 可能會唸起學校的事情。然後這一晚媽媽用布偶公仔同你玩, 問你關於學校上堂的事, 你告訴我你唔鍾意那位英文老師, 他會鬧人。可能因為咁令你好驚, 當時媽媽好似仍未能解開你的心結。

 

1月4日, 你返學喇, 今日媽媽答應你送你返學, 你好叻喎, 無喊, 然後夜晚媽媽又再跟你玩布偶的玩具, 今次一講到上英文堂的老師, 媽媽就扮演了超人的角色, 跟你一起對付這個唔好的老師, 讓你知道你不是一個人面對他的, 媽媽跟你在一起。然後媽媽見到你笑了, 開心返... 媽媽想你不要再記住唔開心的事情, 媽媽想你只要記住開心的事情就好了。這一晚你訓得好左, 仍有少少唔開心又或者可能你發夢。

到了昨晚1月5日, 媽媽發現你這2天的情緒都平靜安穩左, 到了晚上媽媽又跟你玩布偶玩具, 然後你又再想扮演上堂的情形, 今次媽媽就話我地唔好喇, 今次媽媽變魔術變走儂儂, 然後" Ma le Ma 空 變返儂儂出黎, 我倆玩得好開心。今晚媽媽感覺你訓得好安穩, 而且無再恔恔憎憎喇。

終於媽媽覺得你得釋放了, 係恐懼同嬲入面釋放了, 又或者是因為媽媽也得釋放, 所以你也釋放了? 😅

無論怎樣, 恩言, 媽媽想你只記住開心的事情就好, 唔開心的事不要也不用記住, 由他過去, 原諒所有人, 也原諒你自己。媽媽只想你開開心心, 健健康康咁生活。無謂少事情令自己唔開心。

每次見到你笑, 媽媽就最開心, 最滿足! 💓💓💓💓

爸媽都好愛你啊!

恩言２歲５月大

 恩言,

你而家2歲5個月大，媽媽每次見到你都好開心，我的心肝寶貝，你真係好可愛。媽媽已經開始唔捨得你長大，希望你永遠都是這個樣子，但媽媽知道唔應該這樣，因為你要不斷進步，不斷成長，對你才是最好。

媽媽要學懂放手，知道有一天你長大都要獨立，知道你一天都係會離開媽媽，去開拓你自己的人生。恩言，爸媽都好期望看見你的成長，爸媽都好期望看見你將來揾到自己的人生方向，你的興趣，有你的好朋友，有你成就，甚至媽媽祈禱主，好好為你預備一位伴侶，能夠陪伴你，幫助你。

恩言，人生的路其實可以好漫長，當你感到迷芒的時候，不妨停一停，重整自己的生命，回顧看看，或者問一下裡面的自己，想要甚麼呢？

你從小就好清楚自己要甚麼，你從小就已經好識得表逹自己的意願，所以當你覺得迷失的時候，慢少少，停一停，唔好急，問下自己先。

媽媽好鍾意每晚同你訓覺的時候，錫下你，望住你，心裡就感到好温暖，好滿足。

有時你的心情唔好，少少就扭計，唔開心，發脾氣，真係激到爸媽。。。爸爸好好，好有耐性，會慢慢同你傾，媽媽性格急，而且唔鍾意解釋太多，所以媽媽有時候面對你的無故發脾氣，會感到好嬲，同時覺得好無奈。

1月9日那個早上，媽媽第一次係你面前喊，那一刻媽媽被荷爾蒙影響，情緒崩潰了，感到非常絕望，那一刻，傻媽媽竟然想做傻事，媽媽知道這是因為產後有少少仰鬱影響，媽媽知道自己唔應該咁唸，媽媽好記得，你見到媽媽喊，你拖著媽媽要離開房間，去大門到，你知道要將媽媽帶離開現場。恩言，多謝你呀。你真的是天父送給我們的禮物，多謝你成為我們的兒子，我們感到無比恩惠。

恩言，記得爸媽都好愛你，爸媽都好錫你，你身邊有好多人都好關心你，愛護你。

願你可以係更多愛的環境裡面成長，願你身邊有好多小天使圍繞你，成為你的幫助，提醒。又願你的生命有神的帶領，常常充滿喜樂和平安。

1月11日的早上，你過黎爸媽床床到搗蛋！哈。。。媽媽好鍾意你呀！

已經2歲人仔喇

 恩言, 不經不覺你已經2歲大喇, 爸媽見著你成長, 感到無比恩惠。

每日跟你在一起的時間都很難忘, 很開心, 很甜蜜。

爸媽唔洗返工的每個星期六、日早上你扭奶奶飲, 飲飽後你會好開心咁係床仔到唱歌歌, 最近嫲嫲教識你唱的一首歌, 

[今天是晴天, 太陽高高掛起, 

麻雀吱吱叫, 公雞喔喔喔喔啼, 

快些快些起來, 穿好衣服洗好臉, 

大家吃早餐, 來到幼稚園裡去。]

每早上你就唱著這首歌在床上碌來碌去, 一輪歡笑聲.... 然後我地就會落街街食早餐, 再同你周圍係, 會係商場到踏車車, 玩躲躲花, 去超級市場買野, 又或者同你去圖書館睇書書, 去公園玩一陣。時間好快過, 媽媽捨不得你長大。

希望你長大都依然開心活潑, 健健康康, 你永遠是媽媽的寶貝, 心肝。

黎緊我地要搬離開馬鞍山, 媽媽希望你可以適應到新環境, 有好大的公園俾你玩車車, 好大個的球場可以玩波波。無論去邊到, 爸媽都會同你一齊。 👪😘😘😘